مجموعة زنيبر غاديا فالخسارة وبغات تبيع جوج مصانع ديال كوكا لشركة اسبانية

مجموعة زنيبر من اشهر الشركات فالمغرب اللي الإسم ديالها واخا لصيق بالڤان، ولكن هي شركة عندها ايضا أنشطة اخرى فمجال الفلاحة والصناعات الغذائية وفالنسيج.
شركة زنيبر كانت غير فالشراب كتغطي ما يقارب 85 في المائة من سوق إنتاج الخمور بالمغرب وكتصدر الملايين دالقراعي ديال الشراب لأوروبا وأمريكا.


وف 1986 ابراهيم زنيبر أسس شركة Diana holding جمع فيها كاع الشركات اللي عندو، ولكن من مور الموت ديالو حسب ما جاء فجورنال Economie Enterprise ،الشركة ضربها الخلا، وولات كطيح فالمصائب وكتفقد الهيمنة ديالها بسبب الكريديات والغرامات، فحال الغرامة اللي فرضاتها هيئة الاسواق الفرنسية AMF على مجموعة ديانا ورئيستها زنيبر اللي وصلات ل16 مليون أورو.


وتابع الجورنال ان في ظل الأزمة اللي عند شركة زنيبر، شركة cobega الإسبانية اللي كيترأسها Sol Daurella ،اللي هو أيضًا رئيس شركة كوكا كولا الأوروبية بارتنرز. كتخطط تشري جوج مصانع لبيع كوكا كولا ديال زنيبر باش تضيفهم ل مصانع ديالها اللي فالدار البيضاء،الرباط، فاس ومراكش الشئ اللي غيزيدها مكانة وهيمنة في الصناعة لاستهلاكية.

اترك رد